shalu ai rai kun ?? shala ai rai kun ??

If junta respects and accepts the spirit of the Panglong Agreement ? Oh shittttttttttttttt, nooo !!!!!

Ya up hkang taw ai gaw, than shwe le.. aung san wa n re gaw..  than shwe a prat hta galaw lai wa sai, 1990 ning na, ra la poi a mahtai hpe pyi, shagrin na hkum tsun !! bai n htang yu na mung hkum tsun !! ningbaw wa hpe pyi n ta kaw she sharen da nga yang, ya n dai zawn nga bai hpyi shawn dat ai gaw ?????

Mahtang(main) shadut ra na gaw, gaw da tara(constitution) hpe bai gram lajang ka na matu she ahkyak ai gaw. Ooopsss.... shut sai... gaw da tara hpe bai gram lajang ka na matu tang shawng ga nga yang mung, KIO/KIA gaw, Nyaung-ta-pin de she lung hkra hkra, madu uphkang shara kaw, shara ni she lajang ya hkra hkra rai bai madi shadaw kau dat sai bai rai ????

"Lam sum braw kaw du taw ai anhte n re. Lam jahtum kaw du taw sai ni she re. Dai hta lai yang gaw, krung sin wa sha nga sai."

Mana masu su na, nga kaba kapung sha hkyen ai rai yang, dai kahpung sha hkyen ai 'nga' hpe than shwe kapung sha taw ai, kade pyi she na sahka ???? Ya gaw, n ra pyi n ngam na sai.  

Nanhte a daw dan masat langai mi gaw, J.W myu sha yawng a matu, gawng malai tai mat wa lu ai hpe galoi mung hkum malap !!!

Karai hte galoi mung rau rai u ga !

Mara Ai: shanglawt

Ningpawt Ninghpang Hpyen Jawng Yu Hpawng

Dai Lawn Rung a masing kata hpaw sharin ai ningpawt ninghpang hpyen jawng yu hpawng hpe Mung Seng Yang, Hpyen Sharin Shakyang Dap Dung a Gawk nu hta dai ni galaw wa sai lam chye lu ai.

Jahpawt hkying 7:00 Am aten jawng yu hpyen hprim lamang galaw ai hta Jawng Yu Hpyen Hprim mungga hpe Du Up Hpauje La Tawng kawn shatsam wa sai rai nga ai.

Shani hkying 11:00 Am aten Jawng yu hpawng hpe galaw ai hta Lat Du Up Jum Pauhkyi Zau Hpan kawn jawng yu matsun maroi mungga shaga ai.

Matut nna shana hkying 7:00 Pm aten yu ngwi pinra lamang hpe mung galaw sa wa na lam chye lu ai.

Dai ni jawng yu ai jawng ma yawng gaw marai 104 re lam chye lu ai.



Credit to K-Net

Mara Ai: Ta Tut

MASAT YAN (1) HPYEN MADUM SUMPYI JAWNG YU HPAWNG

Credit to K-Net

Mara Ai: Ta Tut

(47) lang na Sama Ginwang Hkalup Hpung Ginjaw Uphkang Kasa Zuphpawng hte (9) lang na Hpung Shawa Zuphpawng ngut sai

Nawng E Hku hkalup hpung jawng wang hta 2009 ning October 28 ya shani kaw nna galaw hpang ai (47) lang na Sama Ginwang Hkalup Hpung Ginjaw Uphkang Kasa Zuphpawng hte (9) lang na Hpung Shawa Zuphpawng gaw dai ni ngut sai lam chye lu ai.

Zuphpawng hta sa du lawm ai Kasa yawng 183 rai nna, zuphpawng e daw dan mat wa ai hta SHG a ningbaw lit hpe Rev. Qid Nang Dau Gyung, Ningtau Ningbaw lit hpe Rev. Gumtsan Naw Ra, Amu Madu lit hpe Rev. Nhkum Naw Bawk ni shatsam hkrum sai rai nga ai. Zuphpawng hta daw dan shatsam dat sai magam gun ni gaw magam gun ladaw 2010 ning kawn 2013 ning du hkra magam gun sa wa ra na lam chye lu ai.

Matut nna ndai zuphpawng hta Sari lu Hpung Up marai 3 hte Hpungtau marai 14 tang tawn sai lam, Ginwang kata buga hpung (3) hpe mung hpaw jat dat sai lam, Sama Ginwang Hkalup Hpung Ginjaw kata hpung magam dap yawng 12 nga ai rai nna dai magam dap ni a hpu awn marai 12 hpe mung lata san dat sai rai nga ai.

Sama Ginwang kata buga hpung yawng (22) rai nga sai hte Sama Ginwang Hkalup Hpung Ginjaw Uphkang kasa zuphpawng hpe laning mi hta kalang galaw nga ai lam, du na (48) lang na SHG zuphpawng hpe Katsu buga hta galaw sa mat wa na re lam chye lu ai.

Credit to K-Net

Mara Ai: Ta Tut

49 Ning Pring KIO Masat N-htoi sumla

Photo By Kachin-Net

Mara Ai: Ta Tut

Yawn kyen shiga (hpang hkrat tim myit dum let mara dat ai)

Mara Ai: Ta Tut

?

Shanglawt: Hello, Dwi. Hkam kaja nga ai i ?

Dwi: E, kaja nga n ngai. Nang gaw.

Shanglawt: Ngai mung kaja nga n ngai Dwi.

Dwi: Nang jawng lung taw sai nga ?

Shanglawt: Re Dwi. Shata mi daram rai sai.

Dwi: E, laika shakut u lu yaw.

Shanglawt: E law Dwi..... Ndai laman, dai de mung masa grai n hkrak ai nga na ai. Loi sadi maja na nga mu lu yaw Dwi. Gap hkat wa na zawn zawn nga ai.

Dwi: E``.. ya gaw hpa n tsang ra sai da. Shanglawt ni pyi laika ma shabra kau sayang...

Mara Ai: shanglawt

Nam Kawn Tsaw Hkawn (Preview)

Mara Ai: shanglawt

Free Full Version Legal Softwares Give Away

Dai ni gaw, website langai mi hte shachyen ya mayu n ngai. Internet lang n htawm, grai sawk tam hkawm ai ni gaw, chye pyi chye nga na masai. Rai tim, akyu rawng ai majaw, yawng hpe garan gachyan dat ai hku re.

Dai website gaw, gumhpraw jaw n na mari ra ai software ni hpe, shani shagu Free jaw nga ai website re. Shi gaw tara shang(legal) site re majaw, matsun dat ai. Manu jahpu grai kaba ai software ni jaw ai hpe gaw nau n mu ga ai. Rai tim, kalang lang gaw madu a matu akyu rawng na zawn re software ni lawm wa wa re. Gai gai, grai galu hkra n tsun chyai taw nga sai. N pu na hkri dun kaw dip n htawm, shang yu dat u yaw..

http://www.giveawayoftheday.com/

Matsing: Dai website kaw na, download jahkrat la ai software ni hpe Install & Activate gara hku galaw na matsun hpe, download galaw ai file kaw kalang ta bang jaw jaw rai ma ai. Dai majaw, Install & Activate n chye galaw ai ni, dai matsun hpe shawng hti yang kaja na re. Software langai mi hpe, hkying hkum 24 Free jaw da ai hku re. Dai hkying hkum 24 laman, download galaw n htawm, kalang ta Activation galaw ra ai. Hkying hkum 24 lai mat jang, Activation n mai galaw sai hku re. Software hpe Install sha galaw da n htawm, Activate n galaw jang mung, Full Version byin wa na n re lam, shana dat n ngai ai law..

Mara Ai: shanglawt

Tinang shara de shang wa ai Myen hpyen hpe gap na, KIA matsun

Source: KachinNews Group

Written by KNG Friday, 28 August 2009 18:51

Mani kawn, Lahta Sam mung e Myen hte Kokang dap lapran gap hkat hpang wa sai hpang, Wunpawng Mungdan Shanglawt Hpyendap (KIA) mung tinang gaiwang de htu shang wa ai Myen hpyen hpe gap na matu, tinang KIA hpyenla ni hpe ahkang jaw matsun tawn sai re.

Ndai matsun gaw Jinghpaw Mungdaw hte Lahta Sam mung nga KIA hpyendap ni yawng hte seng ai rai nna, dai matsun hpe Jinghpaw mungdaw, Miwa ga jarit Laiza daju na KIA Dap Awn Daju, Du Daju Gunhtang Gam Shawng kawn 'ra ahkyak' matsun wa ai re lam, Laiza shiga lawk kawn chye lu ai.

Ya ten, grau nna, Kokang ginra hte Sap Hkung Hka sha din ai, Loikang e daju ai KIA Dapba 4 gaw, tinang gaiwang de shang wa ai Myen hpyen ni hpe ninghkap gasat na matu jin jin rai nga sai lam, dai ginra hte ni kahtep ai shiga lawk kawn chye lu ai.

Dai hpawt rim rim ten kaw na mung, Kunlong lam maga, Sap Hkung Hka a sinpraw hkrang dingyang, Kokang ginra ni hta, ningbaw Peng Jiasheng a Kokang dap ni hte Myen hpyendap ni lapran, laja lana sinat kaba, amyawk kaba ni hte gasat hkat nga sai lam, shawnglam shiga lawk kawn chye lu ai.

Peng Jiasheng maga gasat garum ai hta Wa Myithkrum Hpyendap (UWSA) a hpyenla ni mung shanglawm ai lam, Myen-Miwa jarit shiga lawk kawn chye lu ai.

Ndai ten Myen hpyen n-gun law law mung, Sap Hkung Hka a sinpraw hkran maga hku nna, Loikang KIA Dapba 4 daju de man yawng htu lung wa ai hpe mu lu ai nga nna, myi-chyaw-sakse langai KNG de tsun dan wa ai re.

Laogai makau, Munggu na Jinghpaw salang langai tsun ai gaw, "Myen gaw, Kokang hpe gasat dang la nhtawm KIA hte Wa ni de hpyenman gayin gasat na masing re. Hpa majaw nga yang, KIA hte Wa a matut mahkai lam hpe dan di kau mayu ai majaw, uhpung lahkawng madin hta nga ai, Kokang hpe shawng htim gasat ai lachyum re".

Lai wa sai bat Langai Ya, August 24 ya shana hta, pyada hking hpun ai Myen hpyenla ni gaw Kokang daju Laogai de "kani sa jep na matu" ngu gabaw dat shang wa nhtawm, Laogai hpe maja zing madu la sai re.

Myen hpyendap hpe madi shadaw ai Kokang ningbaw malai dingsa Bai Souqian hte hpyenma 80 jan mung, Laogai zing madu ai hta shang garum lawm ai lam, chye lu ai. Raitim, kade n na yang, hpyenma malawng gaw Peng Jiasheng maga de bai hprwng shang mat sai lam, ga jarit shiga lawk kawn chye lu ai.

Kokang shiga lawk kawn chye lu ai hta, ya ten, Kokang ginra grup gra hta du nga ai Myen hpyen n-gun yawng gaw 7,000 ram rai nna, dai hta Laogai e hpyendap 5 hte dapdung 2 na hpyen hpung ni mung Sinli kawn kahtap lung wa nga ai re, nga ai. Dai hta Pa-an e daju ai Dap Nawng (Tat-ma) masat 22 hte Sagai Ywataung e daju ai Dap Nawng masat 33 na hpyenla ni mung shanglawm ai lam, matut chye lu ai.

KIA, Kokang hte Wa laknak hpai hpung ni gaw, Myen hpyen hpe jawm ninghkap gasat na matu, myithkrum tawn sai raitim, ya ten du hkra gaw, KIA hte Wa gaw Myen hte dan dan leng leng gasat ai lam gaw, n nga shi ai re.

Photo Credit: Ryan Libre

Mara Ai: shanglawt